لندن(پاکستان نیوز پوائنٹ 23اگست 2016ء) امریکہ، یورپ و ایشیاٹی خیسن نا نرخ آک کم مرسا اِرا ہفتہ نا کم انگا کہول آ سلیسرہرانا سوب امریکی فیڈرل ریزرو نا کندآن کڑز آتیا سود انا کچ اٹی ودکی نا گمان آتا سوب ڈالر نا سوگو کچ تبادلہ ءِ۔ نیو یارک مارکیٹ اٹی پیشیم نا وخت سپاٹ گولڈ انا نرخ 0.2درسد کم مرسا 1338.01ڈالر اسہ اونس مس ہراکہ 9 اگست آن پد اونا کم انگا کہول ءِ۔
مارکیٹ اٹی امریکی خیسن نادسمبر کن سودہ 2.8 ڈالر (0.21درسد) تمنگ آن پد 1343.4ڈالر اسہ اونس آ سرمس۔ لندن مارکیٹ اٹی سپاٹ گولڈ انا نرخ 0.3درسد کم مرسا 1336.99 ڈالر اسہ اونس سلیس وخت اس کہ امریکی خٰسن نا دسمبر کن سودہ 4.90 ڈالر کمتی آن گڈ 1341.30 ڈالر اسہ اونس سلیس۔ ایشیائی مارکیٹ اٹی سپاٹ گولڈ نا نرخ 0.6درسد کم مرسا 1332.80 ڈالر اسہ اونس سلیس وخت اس کہ امریکی خیسن نا نرخ 0.7 درسد کمتی آن گڈ 1337.20 ڈالر اسہ اونس سلیس۔
