اے سال 86ہزار ایرانی شہرآں حج کتگ

تہران (پاکستان نیوزپوائنٹ06ستمبر2017ء) ایران ءَ گشتگ کہ سعودی حکومت ءِ نیمگءَ چہ ایرانی آناں حج کنگءِ اجازت ءِ گامگیج ءَ چہ دوھیں ملک آنی درنیامءَ گپء ُ تران ءِ در پچ بوتگ اَنت۔ ایرانی ھال رسانکی ادارگ ءِ ردءَ تہران ءَ ھال در ءَ گوں گپء ُ تران کنانءَ ایرانءِ حج کارانی سروک علی گلزار عسکری ءَ گشتگ کہ ایرانی حج کنوکانی ھاترءَ نوکیں وڈء ُ پیم کنگءَ مہ سعودی عرب ءِ شگرء ُ منتءَ گر اَنت۔ آئیءَ ھال داتگ کہ اے سال کم ء ُ گیش 86ہزار ایرانی آں حج کتگ۔ آئی ءَ گشتگ کہ اے رندءَ سوبمندی ءِ گوما حج ءِ بندوبست کنگءَ پداے دوھیں ملک آنی ھاترءَ یک جوانیں موھ اِت کہ آ اے دوھیں دومی جیڑھ آنی تہا وتی دونیمگی جیڑھء ُ جنجالء ُ کستء ُ کینگءَ را گیش ء ُ گیوار کنگءِ کوشستءَ بہ کن اَنت۔