کشمیر نا ویل ءِ سیاسی وڑاٹ ایسر کننگ ناگرج ءِ ، بھارتی سپریم کورٹ

سرینگر(پاکستان نیوز پوائنٹ 22اگست 2016ء) بھارت نا سپریم کورٹ اسہ کیس اسے نا سماعت نا وخت آ پارینے کہ کشمیر نا ویل ءِ سیاسی وڑاٹ ایسر کننگ نا گرج ءِ و ہر ویل ءِ عدالتی دنگ اٹی ایسر کننگ مفک۔ کشمیر میڈیا سروس نا رداٹ بھارت نا عدالت عظمیٰ داخیال آتا درشانی ءِ مقبوضہ کشمیر نا ساڑی آ حالیت آتا بارواٹی اسہ کیس اسے نا سماعت نا وخت آ کرے۔ عدالت سالیسٹر جنرل ءِ پارے کہ درخواست دہندہ بھیم سنگھ ءِ وزیراعظم نریندر مودی تون اوڑدہی کرفے تانکہ او تینا تجاویز و غاو تے پیش کننگ کے۔ عدالت پارے کہ ویل انا کیہی پلو ءُ ہنداخاطران اودے سیاسی وڑاٹ ایسر کننگ نا گرج ءِ۔