روس داعش نا برخلاف انجر لیک فوجی اڈہ ءِ کاریم اٹ ہتنگ کیک، ترک وزیراعظم

انقرہ(پاکستان نیوز پوائنٹ 22اگست 2016ء) ترک وزیراعظم بن علی یلدرم پارینے کہ روس داعش نا برخلاف ترکی نا انجر لیک فوجی اڈہ ءِ کاریم اٹ ہتنگ کیک۔ میڈیا رپورٹس نا رداٹ ترک وزیراعظم تینا اسہ بیان اسے ٹی پارینے کہ اگہ روس ترکی نا انجر لیک فوجی اڈہ آن استفادہ کننگ خواہک تو او اونا مخالفت ءِ کپک۔ اوپارے کہ شام اٹی داعش نا برخلاف جلہو کن روس ءِ ترکی نا فوجی اڈہ ءِ کاریم اٹ ہتنگ اٹی ہچ وڑنا ہچ ءُ مشکل اس مفک۔ اوپارے کہ واہم دا چرجوئی ٹی روس انا کنڈآن داوخت اسکان ہچ ءُ درخواست اس رسینگ تنے۔ ترک وزیراعظم داہیت انا سختی اٹ تردید ءِ کرسا پارینے کہ روس انا کنڈآن ترکی آ دا چرجوئی ٹی زورشاغنگانے۔ اوپارے کہ جرمنی ہم داوخت آ داعش نا برخلاف انجرلیک فوجی اڈہ ءِ کاریم اٹ ہتنگ ءِ ۔