ریاض (پاکستان نیوز پوائنٹ 22اگست 2016ء) سعودی عرب نا حکومت حج انا وخت آ ہڑدڑی حالیت آتون مون تننگ نا ڈٹ انا منظوری ءِ تس۔ سعودی اخبار نا رپورٹ نا رداٹ سعودی عرب نا ولی عہد و سپریم جج کمیٹی نا چیئرمین شہزادہ محمد بن نائف حج انا وخت آ محکمہ شاری دفاع نا مرتب کروک آ ہڑدڑی حالیت آتون مون تننگ نا ڈٹ انا منظوری ءِ تسنو۔ سعودی عرب نا ڈائریکٹر جنرل محکمہ شاری دفاع لیفٹیننٹ جنرل سلیمان بن عبداللہ الامر پارے کہ سعودی عرب پرامن و پرسکون وڑاٹ حج انا احکامات آتے باوری جوڑ کننگ کن غٹ الی تیاری تے پورو کرینے۔
اوپارے کہ حج انا وخت آ ہڑدڑی حالیت آتون مون تننگ کن 17ہزار سیکورٹی کارندہ و افسر آتا تعیناتی ءِ عمل اٹ ہتنگانے ہرافتے تون جدید ترین سازوسامان مریک۔ ہنداوڑ ہڑدڑی حالیت اٹی حاجی تا انخلاء کن ہم پورو تیاری کننگانے۔ اوکان بیدس مقامات مقدسہ اسکان رسینگ کن 16ہزار بست آتا بست و بند کننگانے۔
