درملکی زرکاری نا مون آ دننگ کن خاص ءُ نظام اس درستی راستی کرفنگک، ترکی

درملکی زرکاری نا مون آ دننگ کن خاص ءُ نظام اس درستی راستی کرفنگک، ترکی

انقرہ(پاکستان نیوز پوائنٹ 19اگست 2016ء) ترکی نا وزیر شونداری امور لطفی الوان پارینے کہ درملکی زرکاری نا مون آ دننگ کن اسہ پوسکن ءُ ترغیباتی نظام اس جوڑ کننگک۔ میڈیا رپورٹس نا رداٹ الوان پولینڈ و رومانیہ نا دورہ غاتیان گڈ ملکی حالات حاضرہ آن بابت تینا تاثر آتا درشانی ءِ کرے و پارے کہ 15 جولائی نا واقعہ غاتا مقصد ترکی ٹی انتشار ودی کننگ نا ئس ولے باغی عنصر آتا عزم پورو مننگ کتو۔

اوپارے کہ او 25ملک آتا دورہ ءِ کرسا ترکی نا برخلاف جہانی احوالکار ٹی جاگہ ہلوک آ بے بنداو خبر آتا تلافی کننگ و ہند ملک آتیا ترکی نا پت بحال کننگ نا کوشست کینہ۔ اونا پاننگ ئس کہ دادورہ غاتیٹی ترک ایوان واپار انجمن تاجران و صنعت کار، خارجہ تعلقداری نا کمیٹی و ادارہ برائے ترک برآمد کنندگان نا ڈل ہم اوڑتون اوار مریک۔ رومانیہ و پولینڈ نا دورہ غاتا بارواٹی اوپارے کہ خاص کر رومانیہ ٹی گولن تحریک نا اسہ یونیورسٹی و گڑاس اسکول ساڑی ءُ ہرافتا پس پردہ عزم نا بارواٹی ہندی عہدیدار آتے مطلع کننگانے۔