جہانی برادری انسانی سمگلنگ نا توننگ کن اواری اٹ کاریم کے، پوپ فرانسس

ویٹی کن(پاکستان نیوزپوائنٹ 31جولائی2017ء) پوپ فرانسس جہانی راہشون آتیا زور شاغانے کہ جہانی برادری انسان تا اسمگلنگ نا توننگ کن اوار ی اٹ کاریم کے۔ ویٹی کن نا ذرائع ابلاغ نا رداٹ کیتھولک مسیحی تا روحانی پیشوا پوپ فرانسس جہانی راہشون آتیا زورشاغانے کہ انسان تا سمگلنگ نا توننگ کن عزم انا درشانی ءِ کیر۔ کیتھولک مسیحی تا روحانی پیشوا پارے کہ انسانی سمگلنگ دراصل انسانی غلامی نا پوسکن ءُ وڑاسے نا مترادف ءِ۔ انسان تا سمگلنگ نا برخلاف جہانی دے انا مناسبت آن تینا دابیان اٹی پوپ فرانسس مستی پارے کہ انسان تا سمگلر ہرسال ہزار آ بندغ آتے استحصال نا نشانہ جوڑ کیک۔