مالے(پاکستان نیوزپوائنٹ 27جولائی2017ء) وزیراعظم محمد نواز شریف مالدیپ نا مسہ دے ئی سرکاری دورہ ءِ پورو کننگ آن پد پنچ شنبے نا دے وطن آ پدی رادہ مس۔ مالے نا ویلانا انٹرنیشنل بالی پٹ آمالدیپ نا صدر عبداللہ یامین عبدالقیوم ،خاتون اول و کابینہ ناباسک آک وزیر اعظم ءِ جم و جوش اٹ سپارار۔ او دے دورہ ناعکس آتیا مبنی البم اس ہم پیش کننگا ۔ دورہ ٹی بیگم کلثوم نواز، وزیر اعظم نا سلاہکار خارجہ امور سرتاج عزیز و بڑزکو کمامدارآک ہم وزیراعظم تون اوار ئسر۔
وزیر اعظم ءِ مالدیپ نا 52 می آجوئی دے انا دود آتیٹی بحیثیت مہمان خاص شرکت کن دادورہ نا سلاہ ءِ مالدیپ نا صدر عبداللہ یا مین عبدالقیوم خلکوسس۔ وزیر اعظم آجوئی دے انا دود آتیٹی شرکت آن بیدس مالدیپ نا صدر تون با ضابطہ مذاکرات ہم کرے۔ دا وخت آ ہڑتوم آ ملک آتا نیام اٹ واپار ، سیل و سوات ، چاگڑدی بدلی ،تعلیم تون اوار چندی بشخ آتیٹی کمکاری نا کیہی یات داشت آتیا دستخط ہم کننگا ۔ وزیر اعظم نا دورہ نا گڈسراٹی اسیجائی پڑو اس ہم جاری کننگا ۔
