اقوام متحدہ نا سیکرٹری نا مقبوضہ بیت المقدس اٹی ودوک آ بیدادی نا واقعہ غاتیا گڑتی نا درشان

اقوام متحدہ(پاکستان نیوزپوائنٹ 27جولائی2017ء) اقوام متحدہ نا سیکرٹری جنرل انٹیونیو گوٹیرش مقبوضہ بیت المقدس نا متکن آ شار اٹی ودوک آ بیدادی نا واقعہ غاتا چرجوئی ٹی گڑتی نا درشانی ءِ کرینے۔ جہانی ذرائع ابلاغ نا رداٹ جہانی ادارہ نا سروک اسہ بیان اسے ٹی پارے کہ او مقبوضہ بیت المقدس نا متکن آ شار اٹی بیدادی نا ودنگ نا خدشہ نا سوب اودے گڑتی ءِ۔ اوپارے کہ او غٹ سیاسی ، مذہبی و کمیونٹی لیڈر آتیان دا علاقہ ٹی اشتعال انگیز کارروائی کپننگ و اسرائیل آن تحمل کننگ نا خواست ءِ کیک۔