وزیراعظم محمد نواز شریف مالدیپ نا دورہ غا مالے آ سرمس، ایوان صدر اٹی بیابخیری دود اسے نا انعقاد صدر عبداللہ یامین وزیراعظم محمد نواز شریف نا جم و جوش اٹ خیرمقدم ءِ کرے، وزیراعظم ءِ 7 توپ آتا سلامی تننگا، گارڈ آف آنر نا معائنہ ءِ ہم کرے

وزیراعظم محمد نواز شریف مالدیپ نا دورہ غا مالے آ سرمس، ایوان صدر اٹی بیابخیری دود اسے نا انعقاد صدر عبداللہ یامین وزیراعظم محمد نواز شریف نا جم و جوش اٹ خیرمقدم ءِ کرے، وزیراعظم ءِ 7 توپ آتا سلامی تننگا، گارڈ آف آنر نا معائنہ ءِ ہم کرے

مالے(پاکستان نیوزپوائنٹ 25جولائی2017ء) وزیراعظم محمد نواز شریف نا اعزاز اٹی سے شنبے نا دے داڑے ایوان صدر اٹی باضابطہ بیابخیری دود اس اڈ ہلک ہرا مالدیپ نا 52می یوم آجوئی نا دود آتیٹی شرکت کن صدر عبداللہ یامین عبدالقیوم نا سلہ غا مالدیپ نا 3دے ئی سرکاری دورہ غاٹی ءِ۔ صدارتی دفتر آ بننگ آ صدر عبداللہ یامین وزیراعظم محمد نواز شریف نا جم و جوش اٹ خیرمقدم ءِ کرے ، داوخت آ وزیراعظم ءِ 7 توپ آتا سلامی تننگا، پاکستان و مالدیپ نا قومی ترانہ ءِ خلنگا۔

مالدیپ نا سلہہ بند فوج انا چاق و چوبند دستہ وزیراعظم ءِ سلامی پیش کرے۔ وزیراعظم گارڈ آف آنر نا معائنہ ءِ ہم کرے۔ وزیراعظم مالدیپ نا صدر تون تینا ڈل انا درستی راستی ءِ کرفے وخت اس کہ عبداللہ یامین کابینہ نا باسک آتے وزیراعظم تون درستی راستی کرفے۔ داکان مست وزیراعظم محمد نواز شریف مالدیپ نا دورہ غا ویلانا انٹرنیشنل بالی پٹ آ سرمس تو صدر عبداللہ یامین عبدالقیوم و خاتون اول اونا جم و جوش اٹ خیرمقدم ءِ کریر۔ بیگم کلثوم نواز، وزیراعظم نا سلاہکار خارجہ امور سرتاج عزیز ہم اوڑتون اوار ئسر۔ اِرا چنا وزیراعظم و اونا اُرائی ءِ پھل آتا دستہ اس پیش کریر۔ مالدیپ نا دفاعی فورس آتا دستہ اودے سلامی پیش کرے۔