وزیراعظم محمد نواز شریف و مالدیپ نا صدر عبداللہ یامین عبدالقیوم نا نیام اٹ ڈل آتا کہول آ مذاکرات پاکستان مالدیپ تون تینا تعلقداری تے بھاز اہمیت ایتک ہرا تین پہ تینی عزت و شرف و حق انا رکھ آ قائم ءُپاکستان ماحولیاتی بدلی تا بشخ اٹی مالدیپ تون کمکاری کن تیار ءِ وزیراعظم محمد نوا زشریف نا مذاکرات اٹی ہیت وگپ سارک نا پلیٹ فارم سویلی ایشیاء نا الس نا زند انا معیار ءِ گچین جوڑ کننگ، اقتصادی و واپاری چاگڑ دنا گچینی کن وارخواہی فراوان کننگ کیک، ہڑتوم آ راہشون تا اتفاق

وزیراعظم محمد نواز شریف و مالدیپ نا صدر عبداللہ یامین عبدالقیوم نا نیام اٹ ڈل آتا کہول آ مذاکرات پاکستان مالدیپ تون تینا تعلقداری تے بھاز اہمیت ایتک ہرا تین پہ تینی عزت و شرف و حق انا رکھ آ قائم ءُپاکستان ماحولیاتی بدلی تا بشخ اٹی مالدیپ تون کمکاری کن تیار ءِ وزیراعظم محمد نوا زشریف نا مذاکرات اٹی ہیت وگپ سارک نا پلیٹ فارم سویلی ایشیاء نا الس نا زند انا معیار ءِ گچین جوڑ کننگ، اقتصادی و واپاری چاگڑ دنا گچینی کن وارخواہی فراوان کننگ کیک، ہڑتوم آ راہشون تا اتفاق

مالے(پاکستان نیوزپوائنٹ 25جولائی2017ء) وزیراعظم محمد نواز شریف و مالدیپ نا صدر عبداللہ یامین عبدالقیوم ڈل آتا کہول آ مذاکرات کریر۔ سے شنبے نا دے مالے ٹی صدارتی آفس مالے ٹی مروک آ اوڑدہی ٹی وزیراعظم نا کمکار امور خارجہ نا بارواٹی وزیراعظم نا سلاہکار سرتاج عزیز ، سینیٹر پرویزرشید، پاکستان ٹورازم ڈویلپمنٹ کارپوریشن نا منیجنگ ڈائریکٹر، بنجاایوان ہائے صنعت وواپار نا صدر و ایلو بڑزکو کمامدارآک کریر۔

دیوان اٹی وزیراعظم پارے کہم پاکستان مالدیپ تون تینا تعلقداری تے بھاز اہمیت ایتک ہرا تین پہ تینی عزت وشرف و حق انا رکھ آ قائم ءُ۔ وزیراعظم پارے کہ سیل و سوات، واپاری مون آ دننگ، بڑزکو تعلیم و انسانی وسیلہ غاتا بشخ آتیٹی کاریم نا کچ انا بابت تین پہ تینی مفادات آتا کیہی یات داشت آتیا کروک آ دستخط آتیان ہڑتوم آ ملک آتا تین پہ تینی تعلقداری تے پین سوگو جوڑ کننگ و مون آ دننگ اٹی کمک رسینگک۔

وزیراعظم اقتصادی کمکاری نا اہمیت آ خصوصی وڑاٹ زورشاغسا پارے کہ ہڑتوم آ ملک آتا ہڑتوم آ کنڈآتا واپار ءِ ودفنگ نا گرج ءِ ہرا داوخت آ تینا کچ آن کم ءُ۔ اوپارے کہ پاکستان مالدیپ اسیجائی کاروباری کونسل نا اڈتننگ آن نئے بیرہ واپار ءِ مون آ دننگ رسینگک بلکن چندی بشخ آتیٹی کروک آ زرکاری ٹی ہم ودکی مریک۔ وزیراعظم دفاع، جان جوڑی، تعلیم، گوازی ، ماہی گیری، سیل وسوات و دودوربیدہ نا بشخ آتیٹی ہڑتوم آ کنڈآتا گمان تے ہم خصوصی وڑاٹ مون آ تخا۔

ہڑتوم آ راہشونک امنا کریر کہ سارک نا پلیٹ فارم سویلی ایشیاء نا ملک آتا الس نا زند انا معیار ءِ گچین جوڑ کننگ و اقتصادی واپاری چاگڑدانا گچینی کن وارخواہی فراوان کننگ کیک۔ وزیراعظم مستی پارے کہ پاکستان سارک انا چارٹر نا بابت پرعزم ءِ و اومیت کیک کہ سارک علاقائی کمکاری نا اسہ مثالی ءُ تنظیم اس جوڑ مریک۔ وزیراعظم پارے کہ پاکستان جہانی ماحولیاتی ویل آتیا بھاز گڑتی کیک ہرانا سوب مالدیپ کون آ جزیرہ نما ملک آتے خطرہ غاتا مون تروکی ءِ۔

اوپارے کہ پاکستان ماحولیاتی بدلی تا بشخ اٹی مالدیپ تون کمکاری کن تیار ءِ۔ وزیراعظم مالدیپ نا صدر تون جتا اوڑدہی ہم کرے۔ داوخت آ وزیراعظم پرجوش بخیر و مالدیپ نا 52می یوم آجوئی نا دود آتیٹی شرکت کن خصوصی سلہ نامہ آ مالدیپ نا صدر نا منت واری ءِ اداکرے۔ داکان مست مالے ٹی تینا بننگ نا وخت آ وزیراعظم ءِ بخیر مالدیپ نا صدر کرے و اودے گارڈ آف آنر تون توپ آتا سلامی ہم تننگا۔