نیپال اٹی بس حادثہ ٹی 25 بندغ تپاخت و 40 آن زیات بندغ ٹھپی مسر

نیپال اٹی بس حادثہ ٹی 25 بندغ تپاخت و 40 آن زیات بندغ ٹھپی مسر

کھٹمنڈو(پاکستان نیوزپوائنٹ 15 اگست2016ء) نیپال اٹی بس حادثہ ٹی 25بندغ تپاخت و 40 آن زیات بندغ ٹھپی مسر۔ غیر ملکی خبررساں ادارہ نا رداٹ مسافر آتیان پُر اسہ بس اس بنجائی نیپال نا علاقہ ٹی تما ہرانا نتیجہ ٹی 25 بندغ موقع غا ہی تپاخت کریر۔ حادثہ نا گواچی مروک آ بس کھٹمنڈو آن کاوڑے شار آ ہناکہ ہرا دارالحکومت کھٹمنڈو آن 40 کلو میٹر نا فصلہ غاٹی ءِ۔

کاوڑے نا ڈپٹی ڈسٹرکٹ چیف بھم کانتا شرما حادثہ ٹی 25بندغ نا تپاخت مننگ نا تصدیق ءِ کرینے۔ اوپارے کہ امدادی کارندہ امدادی سرجزآتیٹی اختہ ءُ ولے پرانا سوب اوفتے مشکلات آتا مون تروکی ءِ۔ اوپارے کہ 26ٹھپی تے آرمی نا اسہ ہیلی کاپٹر و13 ءِ ایمبولینس نا کمک اٹ کھٹمنڈو نا اسہ ہسپتال اسے ٹی درمان کن گدریفنگانے۔ یات سلے کہ نیپال اٹی روڈ آتا بدتر حالیت و غیر محتاط ڈیورنگ نا سوب حادثہ غاتا مننگ معمول مسنے۔