نئی دہلی(پاکستان نیوزپوائنٹ 13جون2017ء) بھارتی مزن وزیر نریندر مودی امریکی صدر ڈونلڈ ٹرمپ ءِ صلہ ءِ پد ءَ 25ء ُ26جونءَ واشنگٹن ءِ ترء ُ تابءَ کنت۔ بھارتی دری کارانی وزارت ءِ نیمگءَ چہ جاری یک بیانءِ ردءَ دوھیں رھشونانی گپء ُ ترانءَ چہ دونیمگی پاھدگی کارانی سرءَ گپء ُ تران کنگ بیت۔ بیانءِ تہا گشگ بوتگ کہ مودی 26جون ءَ ڈونلڈ ٹرمپ ءَ گوں گندء ُ نند کنت۔
گوازوکیں سال 20جنوری ءَ را ٹرمپ ءِ صدرءِ عہدگءِ سھنبالگ ءَ پد مزن وزیر مودی ءِ امریکہ ءِ اے اولی ترء ُ تاب بیت۔ دری کارانی وزارت ءِ بیانءِ تہا گیش گشگ بوتگ کہ دوھیں رھشونانی گپء ُ ترانءَ چہ دونیمگی پاھدگ ءِ کارانی تہا دونیمگی کمک گیش جہلانک بیتء ُ بھارتء ُ امریکہ ءِ درنیامءَ کثیر رْخی اسٹریٹجک شراکت داری گیش مھکم بیت۔
