ریاض(پاکستان نیوزپوائنٹ 13جون2017ء) سعودی عرب ءِ حکومت ءَ امریکی صدر دونلڈ ٹرمپ ءِ اے بیانءَ را وش اَتک کتگ کہ ایشی ءِ تہا آئی ءَ گتر ءِ سرءَ یک رندے پدا زور پِر داتگ کہ آ ناشرکاری ءِ مالی کمک ءَ را زوتاں چہ زوت بند کنگ بہ بیت۔ العربیہ ٹی وی ءِ گشگ ءِ ردءَ سعودی کابینہ ءِ اجلاس ءَ پد جاری کتگیں بیان ءِ تہا گشگ بوتگ کہ ریاض حکومت ،امریکی صدر ٹرمپ ءِ گتر ءِ ھوالگءَ لوٹ ءِ وش اَتک ءَ کنت۔
بیانءِ تہا گشگ بوتگ کہ امریکی صدر ءَ یک رندے پدا گترءَ گوں ناشرکاری ءِ فنڈءَ را دارگ ءِ لوٹ کنگءَ ھوار ناشرکاری ءِ ھلاپ جنگ ءَ سعودی عرب ءِ ازمتء ُ قربانی آناں ساڑاتگ۔حکومت ءِ گشگ اِنت کہ ناشرکاری ءِ ھلاپ ءِ جنگ ءَ امریکا ء ُ سعودی عرب ءِ موقف یک اِنت۔ سعودی عرب ناشرکاریء ُ بیم کاری ءِ ھلاس کنگءِ ھاترءَ خطہ ءِ تہا دراج بھریں امنء ُ ایمنی ء ُ مھکمی ءِ ھاترءَ ھم کوشستاں جاری کنت۔ سعودی کابینہ ءِ اجلاس خادم الحرمین الشریفین شاہ سلمان ءِ سروکی ءَ بوتگ۔ اجلاس ءِ تہا گتر ءِ سفارتی بائیکاٹےء ُ امیر کویت الشیخ جابر صباح الاحمد الجابر الصباح ، پاکستانی مزن وزیر محمد نواز شریف ءِ نیمگ ءَ چہ فریقین آنی تہا مصالحتی کوشستانی سرءَ ھم چارء ُ بچار کنگ بوتگ۔
