مدینہ منورہ (پاکستان نیوزپوائنٹ 22مئ2017ء) مزن وزیر محمد نواز شریف ءَ میاں اوستمانی ایمنی ءَ را آماچ کنوکیں ناشرکارآناں بن گوج کنگ ءِ ھاترا اسلامی ملک آنی نیام ءَ منوگری ضلورت ءِ سر ءَ زور پر داتگ۔ سعودی عرب ءِ سئے روچی تر ءُُ تاب ءِ ساھت ءَ وتی ھمبراہیں ھال رسانکی در آں گوں بے دودی گپ ءُُ تران کنان ءَ گوشت کہ پاکستان ءَ ناشرکاری ءِ سبب ءَ کساس 120ارب ڈالر ءَ چہ گیش مالی تاوان ءُُ ھزاراں گران بہائیں نپس آنی تاوان چست کتگ۔
آئی ء َ گوشت کہ ھمے رنگ ءَ کہ روبرکتی دگنیا ناشرکاری ءِ ھلاپ ءَ یکجا ھمگام بوھگ ءَ اَنت ھمے رنگ ءَ ناشرکاری ءِ بیم ءَ گوں گر ءُُ چیل بوھگ ءَ مسلمان آناں یک مشت بوھگی اِنت۔ مزن وزیر ءَ گوشت کہ ناشرکاری ءِ ھلاپ ءَ جوانیں گامگیج آنی رد ءَ الکاپیں رنگ ئے ءَ ایشرا گر ءُُ دار کتگ۔ آئی ءَ گوشت کہ اوگانستان ءَ را ھم ناشرکاری ءِ ھلاپ ءَ جوانی ءَ گامگیج زورگی اِنت۔ سمٹ ءِ ساھت ءَ امریکی صدر ڈونلڈ ٹرمپ ءِ گوما وتی گپ ءُُ تران آنی ھوالگ ءَ جُست ءِ پسو ءَ مزن وزیر ءَ گوشت کہ ” اے یک جوانیں میٹینگ ءِ بوتگ“ آئی ءَ گوشت کہ کانفرنس ءِ ساھت ءَ آئی ءَ ایندگہ سروک آنی گوما ھم ھیال ریچی ھم کت۔
