ریاض(پاکستان نیوزپوائنٹ 22مئ2017ء) مزن وزیر محمد نواز شریف روزہ رسول ءِ سرءَ ساڑی بوھگءِ ھاترءَ دوشمبے ءِ روچءَ مدینہ منورہ ءَ رھادگ بوتگ۔ آ شاہ سلمان بن العزیز ءِ دعوت ءِ سرءَ سعودی عرب ءِ سئے روچی ترء ُ تاب ءَ اِنت۔ یات کنگ بہ بیت کہ یک شمبےءِ روچءَ وتی آھگءِ زوتاں پد مزن وزیر ءَ اولی امریکہ۔ عرب اسلامی سروکی کانفرنس ءِ تہا ھواری کتگ۔
بیم کاری ء ُ ناشرکاری ءِ گرء ُ دارءِ مول مراد ءِ ھامل اے کانفرنس ءِ تہا امریکہ ءِ صدر ڈونلڈ ٹرمپ ء ُ مسلم امہ ءِ رہنما ھوار بوتگ اَنت۔ مزن وزیر ءِ دری کارانی صلہ کار سرتاج عزیز ء ُ راجی سلامتی ءِ صلہ کار لیفٹیننٹ جنرل (ر) ناصرخان جنجوعہ ھم مزن وزیر ءِ ھمراھ اَنت۔ آ روزہ رسول ءِ سرءَ حاضری دنت ء ُ نبوی مسیت ءَ نفل ھم ادا کنت۔ اے موھءَ پاکستانءِ دیمروئی ء ُ وشھالی ءِ ھاترءَ ھاسیں دعا ھم لوٹگ ۔ مزن وزیر سئے شمبے ءِ روچءَ وطن ءَ واتر بیت۔
