مدینہ منورہ (پاکستان نیوزپوائنٹ 22مئ2017ء) مزن وزیر محمد نواز شریف ریاض ءَ اولی امریکہ۔عرب۔اسلامی سروک کانفرنس ءَ بھر زوری ءَ پد رسولﷺ ءِ ادیرہ ءِ سر ءَ حاضری ءِ ھاترا دو شمبے ءَ مدینہ منورہ ءَ سر بوت۔ مزن وزیر ءِ مشیر برائے درئی کار سرتاج عزیز ءُُ راجی سلامتی ءِ مشیر لیفٹیننٹ جنرل (ر)ناصر خان جنجوعہ ھم آئی ءِ ھمبراہ اَت۔ مزن وزیر شاہ سلمان بن عبدالعزیز ءِ دعوت ءِ پد ءَ سعودی عرب ءِ سئے روچی تر ءُُ تاب ءَ اِنت۔
یات دارگ بہ بیت کہ گوستگیں روچ ءَ وتی سر بوھگ ءَ دمانُکے ءَ پد مزن وزیر ءَ اولی امریکہ۔عرب۔ اسلامی سروک کانفرانس ءَ بھر زوری کُت۔ ناشرکاری ءُُ جنگ ءُُ جدل ءِ گر ءُُ دار ءِ مول ءُُ مراد ءِ ھاترا اے کانفرنس ءَ امریکا ءِ صدر ڈونلڈ ٹرمپ ءُُ مسلمان آنی سروک آں بھر زوری کتگ۔ مزن وزیر ءَ رسول کریم ﷺ ءِ ادیرہ ءِ سر ءَ حاضری دنت ءُُ مسجد ءِ نبویﷺ ءَ نفل ھم وان ایت۔ اے موہ ءِ سر ءَ پاکستان ءِ دیمروئی ءُُ وشھالی ءِ ھاترا ھاسیں دُعا ھم لوٹگ بیت۔ مزن وزیر (مرچی) سئے شمبے ءِ روچ ءَ وطن ءَ واتر بیت۔
