اوغان وزارت دفاع بلخ اٹی آرمی بیس آ جلہو اٹی جانی نسخان و دا بابت ایلو سرجم احوال آتے جاری کرے، جم وڑاٹ 135فوجی تپاخت و 64ٹھپی

کابل(پاکستان نیوز پوائنٹ 27اپریل2017ء) اوغانستان نا وزارت دفاع قطبی صوبہ بلخ اٹی آرمی بیس آ جلہو اٹی جانی نسخان و دا بابت ایلو سرجم احوال آتے جاری کرینے۔ اوغان میڈیا نا رداٹ کابل اٹی وزارت دفاع نا کنڈآن جاری مروک آ اسہ بیان اسے ٹی پاننگانے کہ منہ دے مست مزار شریف اٹی آرمی بیس 209 شاہین کور آ مروک آ جلہو اٹی جم وڑاٹ 135 بندغ تپاخت و 64ٹھپی مسوسر۔ کہوک آتیٹی 10 افسر ، 25سارجنٹ و 94 سپاہی اوار ءُ۔ بیان نا رداٹ وزارت دفاع اول کہوک آتا کچ 100 ئس ہرانا بنداوی سوب دا ئس کہ کہوک آ گیشتر بندغ جلہو نا وخت یونیفارم آن بیدس لس کاریم اٹ اتنگ نا پچ اٹ بیرفوک ئسر ۔ بیان اٹی پاننگانے کہ دا جلہو نا بابت جاست وپاست نا عمل برجاءِ۔