اوغانستان ، فوجی اڈہ غا جلہو اٹی تپاخت کروک آتا کچ 70مس

اوغانستان ، فوجی اڈہ غا جلہو اٹی تپاخت کروک آتا کچ 70مس

کابل(پاکستان نیوز پوائنٹ 22اپریل2017ء) اوغانستان اٹی عسکری کمامدارآتا پاننگ ءِ کہ قطبی صوبہ بلخ اٹی اسہ فوجی اڈہ سے آ مروک آ جلہو اٹی تپاخت کروک آ فوجی تا کچ ودسا 70 مس وخت اس کہ چندیک ٹھپی مسر۔ برطانوی نشریاتی ادارہ نا رداٹ کمامدارآتا پاننگ ءِ کہ جلہو آن پد کیہی گھنٹہ اسکان برجاسلوک آ جنگ اٹی 10 طالبان جنگوڑو خلنگانو۔ ولے گڑاس احوال آتارداٹ تپاخت و ٹھپی مروک آ فوجی تا کچ داکان زیات ءِ۔

دا جلہو جمعہ نا دے اوغان شار مزار شریف اٹی اسہ فوجی اڈہ سے ٹی واقع مسیت اسے نا خڑک کننگا۔ دا جلہو نا زمواری ءِ طالبان امنا کرینے۔ دافتا داوا ءِ کہ او اوغان فوج ءِ بھلو نسخان اس رسیفینو۔ احوال آتارداٹ ہموڑے جرمنی تون اوار چندی ملک آتا فوجیک رہینگوک ءُ ولے داوخت اسکان دا صفا کتو کہ انت درملکی فوجی اسے ہم نسخان رسینگانے۔