قاہرہ(پاکستان نیوز پوائنٹ 21اپریل2017ء) مصری فضائیہ اسہ تازہ ءُ آپریشن اسے ٹی جزیرہ نما سینا ٹی سرگرم داعش نا 19 دہشت گرد آتے تپاخت کننگ و اوفتا چار گاڈی تے بھس کننگ نا داوا کرینے۔ العربیہ ٹی وی نا رداٹ مصری فوج اناترجمان تینا اسہ بیان اسے ٹی پارے کہ جزیرہ نما سینا نا وسط و قطب اٹی دہشت گرد آتا ٹھکانہ و گاڈی تے جنگی جہاز آتے اٹ نشانہ جوڑ کننگا ہراٹی جزیرہ نما سینا ٹی داعش نا چندی سرکڑدہ کمانڈر، تنظیم نا شرعی کونسل نا سروک تون اوار 19 جنگوڑو تپاخت کریر۔
ترجمان نا پاننگ ءِ کہ سیکورٹی فورس آک جزیرہ سینا ٹی دہشت گرد و داعش نا برخلاف فضائی و ڈغاری آپریشن ءِ برجاتخانو۔ داڑے مصری فوج پارے کہ ساڑی ہی ٹی ملک اٹی گرجاگھر آتیا جلہو آتیٹی اوار اسہ دہشت گرد اس تینے کمامدارآتا حوالہ کرینے۔
