دہشت گردی نا برخلاف جنگ اٹی سعودی عرب تون کمکاری آن ڈیہہ ٹی سلامتی نا ضمانت ملنگ کیک، روسی عہدیدار

ریاض(پاکستان نیوز پوائنٹ 17اپریل2017ء) روس پارینے کہ سعودی عرب دہشت گردی نا برخلاف جنگ اٹی روس انا اہم شریدار ملک ءِ و اوڑتون کمکاری آن ڈیہہ ٹی سلامتی نا ضمانت ملنگ کیک۔ عرب ذرائع ابلاغ نا رداٹ داہیت ءِ روسی پارلیمان نا ایوان بالا”بنجائی کونسل “ نا چیئر پرسن ویلنٹینا میٹفینکو سعودی عرب نا مسہ دے ئی دورہ غا بننگ نا وخت آ پارے۔ اونا سروکی ٹی روس انا بڑزکو کہول نا پارلیمانی ڈل ہفتہ نا دے سعودی دارالحکومت الریاض آ سرمسوسس۔ روسی خبر رساں ایجنسی نا رداٹ اوپارے کہ او سعودی کمامدار آتون ہیت وگپ اٹی دہشت گردی نا برخلاف جنگ، علاقائی سوگوی و جھیڑہ غاتا ایسری کن اسیجائی کوشست آتیا زور شاغک۔ یات سلے کہ سعودی عرب و روسی مستین اٹی شام انا حالیت نا بابت چندی دیوان اڈ تسنو۔