غٹ آن بھلا بمب جلہو آن پد امریکی سلاہکار قومی سلامتی نا کابل نا دورہ

غٹ آن بھلا بمب جلہو آن پد امریکی سلاہکار قومی سلامتی نا کابل نا دورہ

کابل(پاکستان نیوز پوائنٹ 17اپریل2017ء) امریکی صدر ڈونلڈ ٹرمپ نا قومی سلامتی نا سلاہکار جنرل ایچ آرمیک ماسٹر کابل آ سرمس۔ درملکی خبر رساں ادارہ نا رداٹ جنرل میک ماسٹر تینا اسہ ٹویٹ اسے ٹی پارینے کہ او کابل اٹی اوغان حکومتی نمائندہ غاتون تین پہ تینی کمک نا سرحال آ بے کچ اہم ءُ مذاکرات کننگ والاءِ۔ اوغان صدر اشرف غنی ہم تینا اسہ کلہو اسے ٹی امریکی سلاہکار ءِ اوغانستان آ سرمننگ آ بخیراٹ پارے۔ امریکی سلاہکار نا کابل اٹی دا اولیکو دورہ ءِ۔ او دادورہ ءِ اسہ ہندنءُ وخت اسے ٹی کننگ ءُ ، ہراکہ داسہ گدرینگوک آ ہفتہ امریکہ اوغان صوبہ ننگرہار اٹی داعش نا اسہ ٹھکانہ اسے آ دنیا نا غٹ آن بھلا غیر جوہری بمب اٹ جلہو کریسس۔