سعودی عرب ، 6 تُواٹی 13ملک آتا 828 نرینہ و نیاڑی اسلام ءِ قبول کریر

سعودی عرب ، 6 تُواٹی 13ملک آتا 828 نرینہ و نیاڑی اسلام ءِ قبول کریر

ریاض(پاکستان نیوز پوائنٹ 15اپریل2017ء) سعودی عرب نا شعبہ دعوت ارشاد نا مساعی ٹی گدرینگوک آ 6 تُو اٹی 13ملک آتا 828 نرینہ و نیاڑی اسلام ءِ قبول کریر۔ العربیہ ٹی وی نا رداٹ شعبہ دعوت و ارشاد نا ڈائریکٹر الشیخ عبدالحکیم الجاسر پارے کہ اسہ ہزار نا خڑک غیر مسلمان تا مشرف بہ اسلام مننگ دعوت و ارشاد نا مساعی جمیلہ نا بھرم ءِ۔ اوپارے کہ دعوت و ارشاد نا کنڈآن گدرینگوک آ شش تُو اٹی خیروفلاح نا بشارت ، نا سرحال آن 24 دعوتی کانفرنس منعقد کرے ہرافتے ٹی 1730 غیر مسلم شاری بشخ ہلکر۔

دافتیان 106 نرینہ غاک اسلام ءِ قبول کریر۔ سعودی عرب اٹی غیر مسلم شاری تا ہنکین تیا 122 دورہ کننگا و اوفتے اسلامی لٹریچر بشخ وپانٹ کرے۔ دا لٹریچر و دعوتی مہمات آن 1614 غیر مسلم فائدہ ہرفیر و 239 مشرف بہ اسلام مسر۔