دمدستی امداد تننگ تو تو افریقی ملک آتیٹی بھلو کچ اسے آ مرک آتا خدشہ، اقوام متحدہ

اقوام متحدہ(پاکستان نیوز پوائنٹ 12اپریل2017ء) اقوام متحدہ بین نا گواچی علاقہ غاتے کن جہانی امداد اٹی کمتی آ گڑتی نا درشانی ءِ کرینے۔ جرمن ذرائع ابلاغ نا رداٹ اقوام متحدہ نا انسانی امداد نا ادارہ تینا بیان اسے ٹی پارینے کہ قطب دیکی نائجیریا ، صومالیہ ، سویلی سوڈان و یمن کن محض 984 ملین ڈالر تننگانے۔ بیان نا رداٹ دا دا زَر انا کم و ود بیست درسد جوڑ مریک۔ ہرانا جھیڑہ غاتا گواچی ملک آتے کن گرج ءِ۔ یو این ایچ سی آر نا ترجمان ایڈرین ایڈورڈز خبر دار کرینے کہ اگہ دمدستی وڑاٹ مالی امداد تننگ تو تو بھلو کچ اسے آ مرک آتا خلیس ءِ۔ اومستی پارے کہ بین نا گواچی بندغ آتیٹی لکھ آ چناک ہم اوار اریر۔