صحرا سینا ٹی بمب دھماکہ و جنگ، 10 مصری فوجی ، 15 انتہاپسند تپاخت

قاہرہ(پاکستان نیوز پوائنٹ 24مارچ2017ء) مصر انا شورش زدہ جزیرہ نما علاقہ سینا ٹی دہشت گرد آتا برخلاف کارروائی ٹی بمب دھماکہ غاتیٹی سیکورٹی فورس آتا 10کارندہ تپاخت وخت اس کہ جھیڑہ غاتیٹی داعش تون وابستہ رڑانا 15جنگوڑو تپاخت کریر۔ مصری فوج اسہ بیان اسے ٹی پارینے کہ جھیڑہ غاتیٹی تپاخت کروک آ انتہاپسند آتا تعلق انصار بیت المقدس آن ءِ۔ بیان نار داٹ فوجیک سیناء ٹی جہادی تا اسہ خطرناک کمین گاہ اسے آ چھاپہ مار کارروائی کریسر و اوکان پد اونا جنگوڑو آتون جھیڑہ غاتا بنامسوسس۔ فوج انا بیان اٹی داپاننگ تو کہ دا جھیڑہ غاک چوخت مسنوولے داعش اسہ بیان اسے ٹی پاریسس کہ او سینا نا شار العریش نا سویل اٹی واقع علاقہ ٹی جھیڑہ غاتیٹی فوج انا اِراگاڈی تے دھماکہ اٹ بھس کرینے۔