اقوام متحدہ ٹی پاکستان نا آخبتی مندوب ڈاکٹر ملیحہ لودھی نا اقوام متحدہ نا صدر دفتر اٹی نوروز نا بابت اڈ ہلوک آ دود آن تران

اقوام متحدہ ٹی پاکستان نا آخبتی مندوب ڈاکٹر ملیحہ لودھی نا اقوام متحدہ نا صدر دفتر اٹی نوروز نا بابت اڈ ہلوک آ دود آن تران

اقوام متحدہ(پاکستان نیوز پوائنٹ 22مارچ2017ء) تہذیبی تبادلہ جہانی کہول آ ہم آہنگی و کمکاری نا مون آ دننگ نا سوب ءِ۔ داہیت ءِ اقوام متحدہ ٹی پاکستان نا آخبتی مندوب ڈاکٹر ملیحہ لودھی جہانی ادارہ نا صدر دفتر اٹی نوروز نا بابت اڈ ہلوک آ دود آن تران اٹی پارے۔ اوپارے کہ دُن انگا تبادلہ غاتیان دوئی مروک آ مثبت توانائی ننا اجتماعی آخبت آ ہنوک آ کسر نا تعین ءِ کننگ اٹی کمکار ءِ۔

پاکستان ہفتاد ءُ ہفت سال مست نوروز نا اسہ اسے پد معرض وجود اٹی بس و دادے تیٹی ہم یوم پاکستان نا دود آک برجاءُ۔ پاکستان تینا اڈ ہلنگ آن پد ہی جہانی امن و سلامتی ٹی اہم کڑد ادا کرسا جہانی برادری ٹی تینا ہند اس جوڑ کرینے۔ پاکستان ہراڈیہہ ٹی واقع ءِ ہموڑے موسم بہار نا بننگ ءِ حیات نو نا علامت تکنگک و اونا جشن پیڑی تا متکن ءُ روایت اسے۔ دا جشن انسانی روح انا تازگی ، ہم آہنگی ،تحمل و بردباری و انسان تا نیام اٹ پرخ و کشمکش نا چٹفنگ نا علامت ءِ۔

دے و نن نا پاس بریبر مننگ نا وخت آ اڈ تروک آ جشن نوروز ہندا بریبری تا ہم علامت ءِ ہراڑآ اقوام متحدہ نا جہانی ادارہ نا بنداو ءِ تخنگانے۔ دا اصول نا درشانی بایدے داکوشست آتیٹی ہم مرے ہرادے نن غٹ جہانی ادار ہ ءِ زیات جمہوری جوڑ کننگ کن کننگ اُن۔ پاکستانی مندوب داوخت آ بہار نا بابت شاعر مشرق علامہ اقبال نا اسہ شعر اس ہم خوانا۔ اوپارے کہ پاکستان نا میزبانی ٹی ساڑی ہی ٹی مروک آ سینزدہ می ای سی او سروک دیوان اٹی باسک ملک آتا سربراہان مملکت و حکومت ڈیہہ نا شونہالی و تین پہ تینی رابطہ غاتا مون آ دننگ اٹی سوگوی دودوربیدہ ہی تعلقداری تا اہمیت ءِ تالان کرینو ۔

پڑو اسلام آباد اٹی ہم نوروز ءِ ڈیہہ نا قوم تا نیام اٹ سنگتی ءِ سوگو کروک آ تہوار گوندنگانے۔ اقوام متحدہ ساڑی آ وخت اٹی امن و سوگوی، بریبری و ہم آہنگی کون آ اقدار نا مون آدننگ نا کمک اٹ دنیا ءِ بروک آ نسل آتے کن گچین و رکھ تر جوڑ کننگ نا کنڈآ پیش رفت کرینے۔ داوخت آ اقوام متحدہ نا جنرل سیکرٹری انٹونیو گٹریز، جنرل اسمبلی نا صدر پیٹر تھامسن و جشن نوروز اڈ تروک آ ملک بشمول ایران، ترکی، اوغانستان ، بھارت و نیامی ایشیائی ریاست آتا مندوبین آک ہم تران کریر۔ دود انا ساڑی مروک آتے پاکستان اٹی بہار نا بننگ و داوخت آ اڈ تروک آ تہوار بسنت و نوروز نا بارواٹی اسہ ویڈیو اس ہم نشان تننگا۔