وزیراعظم محمدنواز شریف نا ترک حکومت نا کنڈآن جم و جوش اٹ بخیر

انقرہ(پاکستان نیوز پوائنٹ 23فروری2016ء) ترکی نا حکومت نا کنڈآن وزیراعظم محمدنواز شریف نا جم و جوش اٹ بخیر کننگا دا چرجوئی ٹی باقاعدہ دود پنچ شنبے آ چنکایا پیلس اٹی اڈ ہلک۔ ترک ہم منصب بن علی یلدرم تون اوڑدہی کن چنکایا پیلس بننگ آ وزیراعظم محمد نواز شریف نا پبی استقبال کننگا۔ وزیراعظم آفس نا رداٹ ترکی نا وزیراعظم اودے بخیر کرے۔ داوخت آ ہڑتوم آ راہشون تا نیام اٹ گرم جوش اٹ اسہ ایلو تون ہیت وگپ مس و ہڑتوم آ ملک آتا قومی ترانہ غاتے خلنگا۔ ترک سلہہ بند فوج انا چاک و چوبند دستہ وزیراعظم محمد نواز شریف ءِ سلامی پیش کرے و ہڑتوم آ راہشونک گارڈ آف آنر نامعائنہ ءِ کریر۔ داکان پد ہڑتوم آ راہشون تا نیام اٹ اوڑدہی مس۔