سرینگر(پاکستان نیوز پوائنٹ 23فروری2016ء) مقبوضہ کشمیر اٹی کل جماعتی حریت کانفرنس نا چیئرمین سید علی گیلانی 5 تومست پیلٹ گن اٹ ٹھپی مروک آ ورناوسیم محمد ٹھوکر نا تپاخت کننگ آ ڈکھ و غم و است ہسونی نا درشانی ءِ کرسا کشمیری ورناتیا براہ راست سم کاری و پیلٹ چلیفوک آ بھارتی فوجی وپولیس کارندہ غاتا برخلاف سخت کارروائی نا خواست کرینے۔ کشمیر میڈیا سروس نا رداٹ سید علی گیلانی سرینگر اٹی برجااسہ بیان اسے ٹی کودک کشمیری تیا بدترین بیدادی ٹی اوار کارندہ غاتے عدالت اٹی بایدے اوفتے اوفتا کروک ناسزا تننگے۔
اوپارے کہ شہید ورنانا خاہوت نا پن تینا ہڑزخواہی کلہو اٹی پارے کہ مچ آ قوم اونا غم اٹی بریبر نا شریک ءِ و شہید آتا قربانی تے اسہ دروشم اسے ٹی گیرام کننگ مفک۔ دیوان اٹی شہیدندیم خطیب نا کشمیری تا جہد آجوئی کن خذمت سرانجام تننگ آ اودے خراج عقیدت پیش کننگا۔ دیوان اٹی پیر سیف اللہ ، الطاف احمد شاہ، محمد یوسف مجاہد ، عبدل حمید ماگرے و ایاز اکبر ئسک ساڑی ئسر ۔ داوخت آ غٹ کشمیری شہید خاص وڑاٹ شہید ندیم خطیب نا بخشش ودرجہ غاتابڑزی کن دعا کننگا۔
