اقوام متحدہ(پاکستان نیوز پوائنٹ 23فروری2016ء) اقوام متحدہ ٹی پاکستان نا آخبتی مندوب ڈاکٹر ملیحہ لودھی پارینے کہ دہشت گردی نا پورو بیخ کنی کن اونا بنداوی سوب آتیا سجفنگ المی ءِ۔ اوداہیت ءِ جہانی ادارہ نا سیکرٹری جنرل انٹونیو گوئٹرس نا کنڈآن انسداد دہشت گردی نا پوسکن آ دفتر نا سلاہ نا رداٹ پارینے ۔ تدوک آ دے جنرل اسمبلی نا غیر رسمی دیوان آن تران کرسا اوپارے کہ بنداوی سوب آتے نظر انداز کننگ نا دروشم اٹی نن بیرہ، ”علامات“ تون جنگ کیک۔
پاکستان نا ہمیشہ داموقف مسنے کہ بھلو وخت اسے آن برجاتنکی، واک انا غیر کانودی کاریم اٹ اتنگ، درملکی کوزہ، حق خودارادیت آن نہ من، و راجی و اقتصادی ناانصافی تیان دہشت گردی ءِ مون آ دننگ انگ ءِ، ہندا رداٹ دہشت گردی ءِ سیاسی پس منظر آن جتا کننگپ۔ ڈاکٹر ملیحہ لودھی پارے کہ پاکستان انسداد دہشت گردی نا رداٹ پوسکن آ ڈھانچہ نا اڈتننگ اٹی پورو ممکنہ کمک فراوان کیک و دارداٹ جہانی ادارہ و چندی ملک آتون اواری اٹ کاریم کننگک تانکہ ویل آتا گچین ایسری اس پٹنگ مرے۔
اوانسداد دہشت گردی کن پاکستان نا کوشست و گام گیج آتا سرجم اٹ ذکر ءِ کرے و پارے کہ پاکستان دا لعنت آن غٹ آن زیات زہمی ءُ ملک اسے۔ پاکستان آخری دہشت گرد نا چٹفنگ اسکان دہشت گردی نا برخلاف گام گیج نا چرجوئی ءِ برجاتخک۔
