متحدہ عرب امارات نا کنڈآن پاکستان آن پولٹری نا درآمد آتیا خلوک پابندی چٹا

متحدہ عرب امارات(پاکستان نیوز پوائنٹ 15فروری2016ء) متحدہ عرب امارات (یو اے ای) نا کنڈآن پاکستان آن پولٹری نا درآمد آتیا خلوک پابندی چٹفنگانے، یو اے ای ہشت سال مست پابندی خلکوسس۔ وزارت واپار نا بیان نا رداٹ یواے ای پاکستان نا مستند برآمدی ادارہ غاتیان اسہ دے انا چُوری و خوائے وغیر ہ نا درآمد نا موکل تسنے۔ وزارت ہندی برآمدی ادارہ غاتے پارت کرینے کہ متحدہ عرب امارات انتظامیہ آن ہیلتھ سرٹیفکیٹ دوئی کیر ۔ یو اے ای نا پولٹری نا درآمد آتا کچ 700 ملین ڈالر آن زیات ءِ۔ پابندی نا چٹفنگ آن پولٹری نا بشخ انا ملکی برآمد آتا مون آ دننگ اٹی کمک رسینگک و قیمتی زرمبادلہ کٹیا کننگ مریک۔