ایران زعفران پیداک کنوکیں دگنیا ءِ درساں چہ مستریں ملک اِنت

تہران (پاکستان پوائنٹ نیوز۔30 جولائی۔2016) دگنیا ءِ 92درسد زعفران ایرانءَ پیداک بیت۔ ایران ءِ راجی زعفران کونسل ءِ ڈپٹی چیئرمین غلام رضا میری ءَ ھال داتگ کہ ایران دگنیا ءَ زعفران پیداک کنوکیں درساں چہ مستریں ملک اِنت ء ُ دگنیاءِ ھچ ھم ملک زعفران پیداک کنگءَ ایرانءِ گوما ھم کچی کُت نہ کنت۔ آئی ءَ گشتگ کہ دگنیاءِ 92درسد زعفران ایرانءَ پیداک بیت۔ آئی ءَ ایشیءَ گو ں ھوار زعفران ءِ پیداوار ءِ تہا ایران ءِ بستار ءِ پلگارگءِ ھاترءَ زعفران ءِ شپکی ءِ گِرء ُ دارء ُ ایکسپورٹ ء ِ حمایت ءِ سرءَ زور پِرداتگ۔