واشنگٹن (پاکستان پوائنٹ نیوز۔30 جولائی۔2016) امریکہ ءِ پیسرگیں دری کارانی وزیر ہیلری کلنٹن ءَ گشتگ کہ ھچ مذہبءِ سرءَ بندش نہ جن اَنت۔ آئی ءَ زور پِرداتگ کہ انسداد ناشرکاریءِ ھوالگءَ امریکہ وتی ھمراھ دارانی گوما یک جاھ ھوار کار کنت۔ ہیلری کلنٹن ءَ گشتگ کہ آ دراھیں امریکی آنی صدر بیت، آئی ءَ را ووٹ دیئوکانی بیت ء ُ نہ دیئوکانی بیت۔ آئی ءَ وتی ترانءِ تہا گشتگ کہ صدر گچین بوھگءَ ” منی مستریں زمہ واری اے بیت کہ گیش پگارءِ روزگار ءِ گیشء ُ مھکمیں موھ پیداک بہ کن ایں“۔
آئی ءَ اے گپ ءِ ھم درشانی کتگ کہ امریکہءِ دیم روئی جہلی تبک ء ِ دیمروئی ءِ گوما بندوک اِنت۔ ہیلری ءَ گشتگ کہ مہ وتی ملک ءِ جیڑھء ُ جنجالاں چہ سرپد اَں، بلے مہ بیمء ُ تُرسءِ آماچ نہ اَنت۔ مہ جیڑھ ء ُ جنجالاں گرء ُ دار کن اَنت انچوکہ پیسرءَ کتگ۔ آئی ء َ گیش گشتگ کہ ھچ مردم ایوک ءَ کار کُت نہ کنت، امریکہ ءَ را دراھیں امریکی آنی ضلورت اِنت۔ پیسرگیں دری کارانی وزیر ءَ لڑء ُ بار ءِ کانود ءِ جوان تر، جان ء ُ سلامتی ءِ نظامءَ را نوک تر کنگءِ ، روزانی کم چہ کم تک ءَ را گیش کنگءِ ء ُ جامعات ءِ تہا داخلہ ءِ نظامءَ را آرزان کنگء ِ سرءَ زور پِر داتگ۔
