نادرمگسی13می چولستان جیپ روانکء ِباج بر

نادرمگسی13می چولستان جیپ روانکء ِباج بر

اسلام آباد(پاکستان نیوزپوائنٹ 19فروری2018ء) سینزدہمی چولستان جیپ ریلی ء ِ فائنل ھلاس بوتگ۔ کہ ایشی ءَ دیمپانی چیمپئن نادر مگسی ءَ جوانیں لیب ء ِ پدرائی کتگ ءُْ درستان ءَ پشت ءَ دور دیان ءَ ٹائٹل ء ِ سوبمندیں دیمپانی کتگ۔سرجمیں حالانی ردا نادرمگسیءَ ہپت منٹ ء ِ فرق ءَ چہ دومی پوزیشن گروکیں صاحبزادہ سلطان ءَ راپروش داتگ۔اسٹاک کیٹیگریء َچارجتائیں کیٹیگریزاے،بی،سی ءُْ ڈی ءَ گاڑیانی پاورء ِ حساب ءَ چہ بہرءُ بانگ کتگ ات۔

وھدیکہ اے اسٹاک کیٹیگری ءَ زالبولانی جتا یک کیٹیگری یے ہم جوڑ کنگ بوتگ ات۔اسٹاک گاڑیانی اے کیٹیگریءَ منصور عالم ءَ 2 کلاک39منٹ52سکینڈءَ220کلومیٹر سفر گوازینان ءَ اولی پوزیشن گپتگ وھدیکہ نوشیروان تیوانی دومی ءُْ نور نبی سیمی نمبرءَ بوتگ۔ دومی نیمگا اسٹاک گاڑیانی بی کیٹیگری ءَ زین مگسی اولی ،افضل حق دومی ءُْ سجاد قریشی سیمی نمبر ءَ بوتگ اَنت۔

ہمے وڈا اسٹاک گاڑیانی سی کیٹیگری ءَ زید مبین اولی،محمد حسین دومی وھدیکہ حارث خان سیمی نمبر ءَ اتکگ ءُْ استاک گاڑیانی ڈی کیٹگری ءَ اریب حیدر اولی، غلام فرید دومی وھدیکہ مجاہد بشیر سیمی نمبر ءَ بنوتگ اَنت۔زالبول کیٹگری ءَ تشنا پٹیلءَ باج برتگ۔آئی ءَ 110 کلومیٹرء ِفاصلہ دو کلاکءُ ْچل منٹء َ سرجم کتگ۔وھدیکہ عاصمہ رضا صدیقی دومی ءُْ مومل خان سیمی نمبر ءَ بوتگ اَنت۔