چیف آف ایئر سٹاف انٹر نیشنل سکواش ٹورنامنٹ ، مصر ءِ مروان الشور بگی ء ُ محمد ابوالغر فائنل ءَ سربوتگ

چیف آف ایئر سٹاف انٹر نیشنل سکواش ٹورنامنٹ ، مصر ءِ مروان الشور بگی ء ُ محمد ابوالغر فائنل ءَ سربوتگ

اسلام آباد(پاکستان نیوزپوائنٹ 22دسمبر2017ء) پاکستان سکواش فیڈریشن ءِ چیردستی ءَ جاری چیف آف ایئرسٹاف میاں اوستمانی سکواش ٹورنامنٹ ءَ مصرءِ مروان الشوربگی ء ُ محمد ابوالغر فائنل ءَ سربوتگ اَنت، گوستگیں روچءَ سکواش کمپلیکس ءِ تہا لیب کتگیں ٹورنامنٹ ء ِ اولی سیمی فائنل میچ ءِ تہا مصر مروان الشور بگی ءَ ھم وطن محمد زاہد ءَ را 3-0ءَ چہ پروش داتگء ُ فائنل ءِ تہا وتی جاگہ جوڈ کتگ، مروان الشوربگی ءَ اولی گیم ءِ سیٹ ءِ تہا 11-9، دومی سیٹءِ تہا 11-4ء ُ سئمی سیٹء ِ تہا 11-3ءَ چہ سوبمندی حاصل کتگ، دومی سئمی فائنل میچ ءِ تہاھم مصرءِ لیبی محمد ابوالغر ءَ ہانگ کانگ ءِ لیبی لیواوکو3-1ءَ چہ پروش داتگء ُ فائنل ءِ ھاترءَ کوالیفائی کتگ، مصر ءِ لیبی محمد ابوالغر ءَ اولی سیٹ ءِ تہا 11-9ءَ چہ باج بُرتگء ُ مقابلہ1-0کتگ، دومی سیٹءِ تہا ہانگ کانگءِ لیبی لیواو ءَ12-14ءَ چہ باج بُرتگء ُ مقابلہ 1-1کتگ، سئمی ء ُ چارمی سیٹءِ تہا مصرءِ لیبی محمد ابوالغر ءَ 11-9ء ُ11-6ءَ سوبمند بوتگ ء ُ مقابلہ3-1کتگ، ٹورنامنٹ ءِ فائنل میچ ءِ تہا مصر ءِ مروان الشوربگی ءِ مقابلہ ھم وطن محمد ابوالغر ءَ گوں شمبے ءِ روچءَ بیت۔