پاکستان و آسٹریلیا نا نیام اٹ پنچ ون ڈے کرکٹ میچ آتا سیریز نا چارمیکو 22جنوری آ گوازی کننگک

سڈنی (پاکستان نیوز پوائنٹ 20نوری2016ء) پاکستان و آسٹریلیا نا کرکٹ ٹیم تا نیام اٹ پنچ اسہ دے ئی جہانی میچ آتا سیریز نا چارمیکو میچ 22جنوری آ سڈنی کرکٹ گراؤنڈ اٹ بناء کیک۔ میچ ڈے اینڈ نائٹ مریک و پاکستانی وخت انا رداٹ شام انا 8بجہ ءُ 20منٹ آ بناء کیک۔ آسٹریلیاءِ پنچ میچ آتا سیریز اٹی پاکستان نا برخلاف 2-1نا برتری دوئی ءِ۔ آسٹریلیا اولیکو میچ اٹی پاکستان ءِ 92رنز اٹ شکست تس وخت اس کہ ارٹ میکو میچ اٹی پاکستان ٹیم شاندار کم بیک کرسا میزبان ٹیم ءِ 6وکٹ آتے اٹ کٹسا سیریز 1-1اٹ بریبر کرے ، مسٹ میکو میچ اٹی آسٹریلیا دُوارہ پاکستان ٹیم ءِ 7وکٹ آتے اٹ کٹا۔ یات سلے کہ ہڑتوم آ ٹیم تا نیام اٹ سیریز نا پنچ می ون ڈے میچ 26جنوری آ ایڈیلیڈ اٹی گوازی کننگک۔