پاکستان و آسٹریلیا نا نیام اٹ اولیکو ون ڈے کرکٹ میچ (جمعہ) غا گوازی کننگک

برسبین(پاکستان نیوز پوائنٹ 11جنوری2016ء) پاکستان و آسٹریلیا نا کرکٹ ٹیم تا نیام اٹ پنچ ون ڈے میچ آتیا تالان سیریز نا اولیکو میچ (پگہ) جمعہ آ برسبین کرکٹ گراؤنڈ اٹی گوازی کننگک۔ میچ ڈے ایند نائٹ مریک و پاکستانی وخت انارداٹ سہب انا ہشت بجہ ءُ بیست منٹ آ بناء کیک۔ قومی ٹیم اظہر علی نا سروکی ٹی میدان اٹی دڑنگک وخت اس کہ آسٹریلوی ٹیم نا کیپٹنی سٹیون سمتھ کیک۔ داکان مست پاکستان ءِ ٹیسٹ سیریز اٹی وائٹ واش تون مون تروئی تما۔ ہڑتوم آ ٹیم تا نیام اٹ سیریز ناارٹ میکو ون ڈے 15جنوری آ میلبورن ، مسٹ میکو 19جنوری آ پرتھ، چارمیکو 22جنوری آ سڈنی وخت اس کہ پنچ میکو و آخریکو ون ڈے 26جنوری آ ایڈیلیڈ اٹی گوازی کننگک۔