برمنگھم (پاکستان پوائنٹ نیوز۔26 جولائی۔2016) انگلینڈ و پاکستان نا کرکٹ ٹیم تا نیام اٹ چار ٹیسٹ میچ آتیا تالان سیریز نا مسٹ میکو میچ 3اگست آن برمنگھم اٹی بناء کیک۔ ہڑتوم آ ٹیم تا نیام اٹ جاری سیریز 1-1 آن بریبر ءِ۔ پاکستان ٹیم میزبان ٹیم ءِ اولیکو ٹیسٹ میچ اٹی 75 رنز آن شکست تسوسس وخت اس کہ انگلینڈ ٹیم ارٹ میکو ٹیسٹ اٹی کم بیک کرسا پاکستان ءِ 330 رنز اٹ شکست ترسا سیریز 1-1آن بریبر کریسس۔
ہڑتوم آ ٹیم تا نیام اٹ سیریز نا چارمیکو و آخریکو کرکٹ ٹیسٹ میچ 11اگست آ اوول اٹی گوازی کننگک۔ ٹیسٹ میچ آتا سیریز آن گڈ ہڑتوم آ ٹیم تا نیام اٹ پنچ ون ڈے میچ آتا سیریز نا اولیکومیچ 24اگست آ ساؤتھمپٹن اٹی گوازی کننگک۔ ارٹ میکو ون ڈے میچ 27اگست آ لارڈز اٹی گوازی کننگک، مسٹ میکو ون ڈے میچ 30 اگست آ نوٹنگھم اٹی گوازی کننگک۔ چارمیکو ون ڈے میچ یکم ستمبر آ ہیڈ نگلے ٹی گوازی کننگک و پنچ میکو و آخریکو ون ڈے میچ 4ستمبر آ کارڈف اٹی گوازی کننگک۔
سیریز نا اسٹ انگا ٹی ٹونٹی میچ 7ستمبر آ مانچسٹر اٹی گوازی کننگک۔ قومی کرکٹ ٹیم دورہ نا وخت آ آئر لینڈ نا برخلا ف ہم اِراون ڈے میچز گوازی کیک۔ اولیکو ون ڈے میچ 18 اگست آ گوازی کننگک۔ آئر لینڈ نا برخلاف ڈبلن اٹی ہی ارٹ میکو ون ڈے میچ 20 اگست آ گوازی کننگک۔
