پالے کیلی (پاکستان پوائنٹ نیوز۔25 جولائی۔2016) سری لنکا و آسٹریلیا نا کرکٹ ٹیم تا نیام اٹ مسہ ٹیسٹ میچ آتا سیریز نا اولیکو میچ (اینو) سے شنبے آن پالے کیلی انٹرنیشنل کرکٹ اسٹیڈیم اٹی بناء کیک۔ آسٹریلوی ٹیم دورہ نا بناء ءِ فاتحانہ اندازا ٹی کرینے و مسہ دے ئی ٹورمیچ اٹی سری لنکا الیون ءِ اننگز و 162رنز اٹ شکست تس۔ سری لنکا و آسٹریلیا نا نیام اٹ ارٹ میکو ٹیسٹ 4آن 8اگست اسکان گال انٹرنیشنل سٹیڈیم وخت اس کہ مسٹ میکو و آخریکو ٹیسٹ 13آن 17اگست اسکان سنہالیز اسپورٹس کلب گراؤنڈ ، کولمبو ٹی گوازی کننگک۔
ہڑتوم آ ٹیم تا نیام اٹ پنچ ون ڈے میچ آتیا تالان سیریز نا اولیکو ون ڈے 21اگست، ارٹ میکو 24اگست، مسٹ میکو 28اگست، چارمیکو 31اگست وخت اس کہ پنچ میکو و آخریکو ون ڈے 4ستمبر آ گوازی کننگک۔ دورہ ٹی اوڑدہ اولیکو ٹی 20انٹرنیشنل 6ستمبر وخت اس کہ ارٹ میکو 9ستمبر آ گوازی کننگک۔
