ہیملٹن(پاکستان نیوز پوائنٹ 29نومبر2016ء) نیوزی لینڈ پاکستان ءِ ارٹ میکو و آخریکو کرکٹ ٹیسٹ میچ اٹی 138 رنز اٹ شکست ترسا 31سال گڈ ٹیسٹ سیریز اٹی کلین سویپ کرے۔ داکان مست 1985ء ٹی نیوزی لینڈ پاکستان ءِ ٹیسٹ سیریز اسے ٹی شکست تسوسس۔ پاکستان نا ٹیم 369رنز نا ہدف نا تعاقب اٹی 230 رنز جوڑ کرسا آؤٹ مس۔ کیویز باؤلرآک ارٹ میکو اننگز اٹی ہم شون وشان باؤلنگ کریر ہرانا سوب پاکستان نا پنچ گوازی گر دوہراہندسہ ءِ ہم عبور کننگ کتوس۔
پاکستان نا کنڈآن سمیع اسلم 91و کیپٹن اظہر علی 58رنز اتون نمان مسر ولے اوفتے آن بیدس اسہ بلے باز اس ہم کیویز نا باؤلرآتا ڈٹ کر مقابلہ ءِ کننگ کتوس۔ پاکستان نا کنڈآن سمیع و اظہر نا نیام اٹ 131رنز انا اوپننگ شریداری مس ولے او تینا ٹیم ءِ فتح آن ہمکنار کرفنگ کتوس۔ سمیع اسلم اسہ وار ولدا تینا سینچری ءِ پورو کننگ کتو۔ نیوزی لینڈ نا کنڈآن نیل واگنر مسٹ، ٹم ساؤتھی و مٹ سانٹنر اِرٹ، ارٹ، وخت اس کہ ہنری و گرینڈ ہوم اسہ اسہ وکٹ ہلکر۔
چارشنبے آ میچ انا پنچ میکو و آخریکو دے پاکستان نا ٹیم تینا ارٹ میکو نیم گڈلو اننگز ءِ اسہ رن اسے آن بیدس نسخان آن بناء کریر تو سمیع اسلم و اظہر علی گوازی کریرہ و پاکستان نا ٹیم ءِ میچ اٹی سرسہبی کن 368رنز درکار ئس، ہڑتوم آ گوازی گرتا نیام اٹ اولیکو وکٹ نا شراکت اٹی قیمتی 131رنز جوڑ مس ولے داوخت آ کیپٹن اظہر علی تینا نصف سنچری ءِ پورو کرسا 58رنز جوڑ کرسا مچل سانٹر نا گیند آ کلین بولڈ مس، بابر اعظم ارٹ میکو آؤٹ مروک آ گوازی گر ئس ہرا 16رنز جوڑ کرسا مچل سانٹر نا گیند آ کلین بولڈ مس۔
داوخت آ سمیع اسلم ہم ٹیم ءِ اوار ہلسا پویلین آ ہنا او 91رنز جوڑ کرسا ٹم ساؤتھی نا گیند آ کین ولیمسن نا دوتے اٹ کیچ آؤٹ مس۔ او صرف 9رنز انا پرخ آن تینا ٹیسٹ کیریئر نا اولیکو سینچری ءِ پورو کننگ کتو۔ وکٹ کیپر سرفراز احمد بدقسمتی اٹ 19رنز جوڑ کرسا رن آؤٹ مس۔ اسد شفیق اسہ رن اس ہم جوڑ کننگ کتو او ہنری نا گیند آ نکولس نا دوتے اٹ کیچ آؤٹ مس، یونس خان 11رنز جوڑ کرسا گرینڈ ہوم نا گیند آ نکولس نا دوتے اٹ کیچ آؤٹ مس، محمد عامر و وہاب ریاض اسٹ آن گڈ یلو صرف پرنیل واگنر نا گیند نا گواچی مسر عمران خان پاکستان نا آخری آؤٹ مروک آ گوازی گر ئس ہرا صفر آ نیل واگنر نا گیند آ لاتھم نا دوتے اٹ کیچ آؤٹ مس ، محمد رضوان 13رنز اتون ناٹ آؤٹ مس و ہندا وڑ نیوزی لینڈ نا ٹٰم پاکستان ءِ ارٹ میکو آخریکو کرکٹ ٹیسٹ میچ اٹی 138رنز اٹ کٹسا سیریز ءِ کلین سویپ کرے۔
