ہیملٹن(پاکستان نیوز پوائنٹ 23نومبر2016ء) پاکستان و نیوزی لینڈ نا کرکٹ ٹیم تا نیام اٹ اِرا ٹیسٹ میچ آتا سیریز نا ارٹ میکو و آخریکو میچ (پگہ ) جمعہ آن سیڈن پارک ، ہیملٹن اٹی بناء کیک۔ نیوزی لینڈ نا ٹیم ءِ پاکستان نا برخلاف اِرا میچ آتا سیریز اٹی 1-0 نا برتری دوئی ءِ، کیویز ٹیم پاکستان ءِ اولیکو ٹیسٹ میچ اٹی 8وکٹ آتے اٹ باہ ترفیسس۔ سرجم احوال آتارداٹ قومی کرکٹ ٹیم نا کیپٹن مصباح الحق ارٹ میکو میچ اٹی ٹیم نا سروکی ءِ کننگ کپک اونا مالم پاکستان اٹی کذیت کریسس و او پاکستان آ ہناسس۔
اونا جاگہ ارٹ میکو ٹیسٹ میچ اٹی اظہر علی پاکستان ٹیم نا سروکی ءِ کیک۔ پاکستان و میزبان ٹیم ارٹ میکو ٹیسٹ میچ اٹی شرکت کن ہیملٹن اٹی سرمسنے و پریکٹس اٹی اختہ ءِ۔ ہڑتوم آ ٹیم تا نیام اٹ ارٹ میکو و آخریکو ٹیسٹ 25آن 29نومبر اسکان سیڈن پارک، ہیملٹن اٹی گوازی کننگک۔
