نیوزی لینڈ ءِ اولیکو ٹیسٹ اٹی شکست ترسا سیریز نا بناءِ فتح آن کینہ، سرفراز احمد

نیوزی لینڈ ءِ اولیکو ٹیسٹ اٹی شکست ترسا سیریز نا بناءِ فتح آن کینہ، سرفراز احمد

کرائسٹ چرچ(پاکستان نیوز پوائنٹ 14نومبر2016ء) پاکستان نا کرکٹ ٹیم نا مایہ ناز وکٹ کیپر بلے باز سرفراز احمد پارینے کہ نیوزی لینڈ ءِ اولیکو ٹیسٹ میچ اٹی شکست ترسا سریز نا آغازءِ فتح آن کینہ۔ اوپارے کہ میزبان ٹیم ءِ شکست تننگ کن گوازی گر تے گوازی نا غٹ بشخ آتیٹی عمدہ کارکڑد نشان تروئی مریک۔ پاکستان و نیوزی لینڈ نا کرکٹ ٹیم نا نیام اٹ اِرا ٹیسٹ میچ آتیا تالان سیریز نا اولیکو ٹیسٹ 17نومبر آن کرائسٹ چرچ اٹی بناء کیک۔

سرفراز احمد پارینے کہ کیویز ءِ اونا گل زمین آ باترفنگ چیلنج اسے آن کم اف ولے نن تیاری اتون میدان اٹ دڑنگنہ۔ اوپارے کہ سیریز اٹی میزبان ٹیم ءِ ٹف ٹائم ایتنہ۔ سرفراز احدم مستی پارے کہ ننے سخت حریف نا برخلاف سرسہبی دوئی کننگ کن سخت حکمت عملی نا رداٹ میدان اٹ دڑنگوئی مریک۔ اوپارے کہ ننا ٹیم متوازن ءِ ولے کٹنگ کن گوازی نا غٹ بشخ آتیٹی غیر معمولی کارکڑد نشان تروئی مریک۔