پاکستان و نیوزی لینڈ نا کرکٹ ٹیم تا نیام اٹ اولیکو ٹیسٹ میچ 17نومبر آن بناء کیک

کرائسٹ چرچ(پاکستان نیوز پوائنٹ 14نومبر2016ء) پاکستان و نیوزی لینڈ نا کرکٹ ٹیم تا نیام اٹ ارٹ میکو ٹیسٹ میچ آتیا تالان سیریز نا اولیکو میچ17نومبر آن کرائسٹ چرچ اٹی بناء کیک۔ سرجم احوال آتارداٹ قومی کرکٹ ٹیم مصباح الحق نا سروکی ٹی نیوزی لینڈ نا برخلاف اِرا ٹیسٹ میچ آتا سیریز گوازی کننگ کن نیوزی لینڈ اٹی ساڑی ءُ، اونا پاننگ ءِ کہ اونا ٹیم پوروی وڑاٹ فٹ و پبی فارم اٹی و کیویزٹیم نا مقابلہ ءِ کننگ کن تیار ءِ۔ ہڑتوم آ ٹیم تا نیام اٹ اولیکو ٹیسٹ 17آن 21نومبر اسکان ہیگلے اوول، کرائسٹ چرچ وخت اس کہ ارٹ میکو و آخریکو ٹیسٹ 25آن 29 نومبر اسکان سیڈن پارک ، ہیملٹن اٹی گوازی کننگک۔