شارجہ (پاکستان نیوز پوائنٹ 28اکتوبر2016ء) پاکستان و ویسٹ انڈیز نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا مسٹ می و آخریکو ٹیسٹ میچ (پگہ) یک شنبے آن شارجہ ٹی بناء کیک، گرین شرٹس ءِ سیریز اٹی 2-0نا فیصلہ کن برتری دوئی ءِ۔ پاکستانی ٹیم سیریز نا اولیکو ٹیسٹ اٹی کالی آندھی ءِ 56رنز و ارٹ میکو ٹیسٹ اٹی 133رنز انا صفا مارجن آن شکست ترسا سیریز اٹی فیصلہ کن برتری دوئی کریسس۔
شون و شان فتوحات آتیان گڈ پاکستانی ٹیم نا مورال بڑز ءِ و گوازی گرکالی آندھی ءِ آخریکو ٹیسٹ اٹی ہم زیر کرسا ٹی ٹونٹی و ون ڈے آن گڈ ٹیسٹ سیریز اٹی ہم وائٹ واش کننگ کن پرعزم ءِ۔ ارٹ میکو کنڈآ شکست کنوک ویسٹ انڈین ٹیم آخریکو ٹیسٹ ءِ کٹسا دورہ نا شون و شان انداز اٹ اختتام کننگ نا خواہندار ءِ ولے گرین شرٹس نا ساڑی آ کارکڑد ءِ مون آ تخسا اودے آخریکو ٹیسٹ اٹی ہم فیورٹ گوندنگ انگ ءِ۔
