ہاشم آملہ ٹیسٹ کرکٹ اٹ 9 ہزار رنز انا خڑک

جوہانسبرگ(پاکستان نیوزپوائنٹ 28مارچ2018ء) سویلی افریقہ کرکٹ ٹیم نا مایہ ناز بے باز ہاشم آملہ ءِ ٹیسٹ اٹی 9 ہزار رنز کننگ کن 61 رنزدرکار ءِ و اومیت ءِ کہ او آسٹریلیا نا برخلاف چارمیکو و آخریکو ٹیسٹ میچ اٹی دا اعزاز ءِ دوئی کننگ اٹ سرسہب مریک۔ ہاشم آملہ داوخت اسکان 116 میچ آتے ٹی 48.31 نا اوسط آن 8939 رنز جوڑ کرینے ہراٹی 28 سنچری و 39 نصف سنچری اوار ءُ۔ ہاشم آملہ 9 ہزار رنز جوڑ کروک آ سویلی افریقہ نا مسٹ میکو بلے باز جوڑ مریک۔ داکان مست جیک کیلس و گریم سمتھ دا کارنامہ ءِ سرانجام تسنو۔