سری لنکا و پاکستان نا ویمنز ٹیم تا نیام اٹ مسہ میچ آتا سیریز نا اولیکو ٹی ٹونٹی کرکٹ میچ (پگہ) چارشنبے نادے آ گوازی کننگک

کولمبو(پاکستان نیوزپوائنٹ 26مارچ2018ء) سری لنکا و پاکستان نا ویمنز ٹیم تا نیام اٹ مسہ میچ آتیا تالان سیریز نا اولیکو ٹی ٹونٹی کرکٹ میچ (پگہ) چارشنبے نادے آ کولمبو ٹی گوازی کننگک۔ داکان مست پاکستانی ویمنز ٹیم سری لنکا ءِ مسہ ون ڈے میچ آتا سیریز اٹی کلین سویپ کریسس۔ پاکستان سری لنکن ویمن ٹیم ءِ اولیکو ون ڈے میچ اٹی 69 رنزاٹ شکست تس، ارٹ میکو میچ اٹی گرین شرٹس میزبان ٹیم انا برخلاف 94 رنزاٹ سرسہبی دوئی کریسس وخت اس کہ مسٹ میکو و آخریکو میچ اٹی 108 رنزاٹ کٹنگ ءِ تینا پن آ کننگ تون میزبان ٹیم ءِ مسہ ون ڈے میچ آتا سیریز اٹی کلین سویپ ہم کرے۔

ہڑتوم آ ٹیم تا نیام اٹ مسہ ٹی ٹونٹی میچ آتا سیریز نا ارٹ میکو میچ 30 مارچ آ وخت اس کہ مسٹ میکو و آخریکو ٹی ٹونٹی کرکٹ میچ 31مارچ آ کولمبوٹی ہی گوازی کننگک۔