لاہور(پاکستان نیوزپوائنٹ 20مارچ2018ء) پاکستان سپر لیگ تھری انا قذافی اسٹیڈیم لاہور اٹی اینو 21 مارچ چارشنبے نادے آ مروک آ ارٹ میکو میچ اٹی پِِر مننگ نا گمان ظاہر کننگانے ولے اونا باوجود کرکٹ نا شونکی تا جوش و جوزہ ٹی ہچ ءُ کمتی اس بتنے و او پبی وڑاٹ میچ ءِ ہُننگ کن اسٹیڈیم آ کارہ۔ محکمہ موسمیات نا ذرائع نا پاننگ ءِ کہ پی ایس ایل تھری نا قذافی اسٹیڈیم اٹی شیڈول ارٹ میکو ایلمینیٹر میچ اٹی موسم نا نیام تمنگ نا خدشہ ءِ، دبئی ٹی مروک آ کوالیفائر میچ اٹی اسلام آباد یونائیٹڈ نا دوتے اٹ باتروک آ کراچی کنگز انا مقابلہ اولیکو ایلمینیٹر میچ اناکٹوک آ ٹیم تون مروئی ءِ ولے ارٹ میکو ایلمینیٹر میچ اٹی موسم نا نیام تمنگ نا خدشہ ءِ۔
محکمہ موسمیات نا رپورٹ نا رداٹ 20 مارچ آ لاہور اٹی ہلکا جمبر مریک ولے پِر انا گمان اف وخت اس کہ 21 مارچ آ سہب و شام انا وخت آتے ٹی پِر و ترند تہو چلینگ انگ نا گمان ءِ ہراڑآن ارٹ میکو میچ زہمی مننگ کیک۔
