پاکستان و انگلینڈ نا نیام اٹ پنچ ون ڈے میچ آتا سیریز نا چارمیکو میچ (اینو) گوازی کننگک ، انگلش ٹیم ءِ پنچ میچ آتا سیریز اٹی 3-0 نا فیصلہ کن برتری دوئی

پاکستان و انگلینڈ نا نیام اٹ پنچ ون ڈے میچ آتا سیریز نا چارمیکو میچ (اینو) گوازی کننگک ، انگلش ٹیم ءِ پنچ میچ آتا سیریز اٹی 3-0 نا فیصلہ کن برتری دوئی

لیڈز(پاکستان نیوز پوائنٹ 31اگست 2016ء) پاکستان و انگلینڈ نا کرکٹ ٹیم تا نیام اٹ پنچ اسہ دے ئی بین الاقوامی کرکٹ میچ آتیا تالان سیریز نا چارمیکو میچ (اینو) پنچ شنبے آ لیڈز اٹی گوازی کننگک، میزبان ٹیم ءِ پاکستان نا برخلاف سیریز اٹی 3-0 نا فیصلہ کن برتری دوئی ءِ، انگلینڈ گرین شرٹس ءِ اولیکو ون ڈے ٹی 44 رنز اٹ شکست تسوسس و ارٹ میکوون ڈے ٹی 4وکٹ آتیان ہرائفیسس، مسٹ میکو میچ اٹی میزبان ٹیم پاکستان ءِ بھلو مارجن169 رنز اٹ شکست ترسا سیریز اٹی 3-0 نا فیصلہ کن برتری دوئی کرے۔

ہڑتوم آ ٹیم تا نیام اٹ سیریز نا چارمیکو میچ اینو گوازی کننگک، گرین شرٹس گوکہ سیریز اٹی کم بیک نا موقع ءِ گوائفینے و سیریز آن ہم دوتے سلانے واہم ارٹ میکو کنڈ انگلیش ٹیم عمدہ کارکڑد نا تسلسل ءِ برقرار تخسا سیریز اٹی پاکستان نا برخلاف کلین سوئپ کننگ کن پرعزم ءِ۔ ہڑتوم آ ٹیم تا نیام اٹ سیریز نا پنچ می و آخریکو میچ 4 ستمبر آ کارڈف اٹی گوازی کننگک، پاکستان و انگلینڈ نا نیام اٹ اسٹ انگا ٹی ٹونٹی میچ 7 ستمبر آ گوازی کننگک۔