لندن(پاکستان نیوز پوائنٹ 26اگست 2016ء) پاکستان و انگلینڈ نا کرکٹ ٹیم تا نیام اٹ پنچ اسہ دے ئی بین الاقومی میچ آتیا تالان سیریز نا ارٹ میکو میچ (اینو) ہفتہ آ لارڈز، لندن اٹی گوازی کننگک ، میچ ڈے مریک و پاکستان نا معیاری وخت انا رداٹ پیشیم نا دونیم بجہ غا شروع مریک۔ میزبان ٹیم ءِ پاکستان نا برخلاف سیریز اٹی 1-0 نا برتری دوئی ءِ۔ انگلینڈ پاکستان ءِ اولیکو ون ڈے میچ اٹی 44رنز اٹ شکست تسوسس۔
داکان مست ہڑتوم آ ٹیم تا نیام اٹ گوازی مروک آ چار ٹیسٹ میچ آتا سیریز 2-2 آن بریبر مسوسس۔ ٹیسٹ سیریز اٹی شون و شان کارکڑد آن گڈ پاکستانی ٹیم آئر لینڈ نا برخلاف ون ڈے سیریز 1-0 آن کٹاسس و گرین شرٹس داسا انگلش ٹیم نا چیلنج تون مون تننگ کن تیار ءِ۔ پاک انگلینڈ ٹیم تا نیام اٹ ون ڈے سیریز نا ارٹ میکو میچ (اینو) گوازی کننگک، مسٹ میکو میچ 30 اگست آ نوٹنگھم اٹی گوازی کننگک، چارمیکو میچ یکم ستمبر آ لیڈز اٹی گوازی کننگک وخت اس کہ پنچ می و آخریکو میچ 4 ستمبر آ کارڈف نا ہند آ گوازی کننگک، اوکان گڈ ہڑتوم آ ٹیم تا نیام اٹ اسٹ انگا ٹی ٹونٹی میچ 7 ستمبر آ مانچسٹر اٹی گوازی کننگک ۔
