آئی سی سی چیمپیئنز ٹرافی ءِ کٹنگ آن پد قومی ٹیم (اینو) پاکستان آ سرمریک

لاہور(پاکستان نیوزپوائنٹ 19جون2017ء) آئی سی سی چیمپیئنز ٹرافی ءِ کٹوک آ قومی کرکٹ ٹیم (اینو) سے شنبے نا سہب اِرا جتا جہاز آتے اٹ پاکستان آ سرمریک۔ پی سی بی نا ترجمان نا رداٹ قومی ٹیم نا روانگی نا شیڈول دوشنبے نا سہب انا دہ بجہ غا لندن آن براستہ یو اے ای و یو اے ای ٹی منہ گھنٹہ اڈ کننگ آن پد اِرا جتا جہاز آتے اٹ لاہور نا گوازی گر آک 20 جون آ سہب انا دوبجہ و کراچی نا گوازی گر آک 20 جون نا سہب انا چارءُ نیم بجہ غالاہور آ مریرہ۔ پاکستان ٹیم نا بننگ آ پی سی بی نا عہدیدار و کرکٹ نا شونکیک کرکٹ ٹیمءِ پبی بخیر کیرہ۔