جمیکا(پاکستان نیوز پوائنٹ 17اپریل2017ء) ویسٹ انڈیز پریذیڈنٹ الیون نا ٹیم پاکستان نا برخلاف چار دے ئی ٹور میچ انا تینا اولیکو اننگز اٹی 419 رنز جوڑ کرسا آؤٹ مس۔ پاکستان ٹیم میچ انا ارٹ میکو دے آ گوازی نا چٹنگ اسکان 4 وکٹ آتا نسخان آ 129 رنز جوڑ کرے ، وشال سنگھ ناقابل شکست 135، ہیٹمئیر 97و کیرن پاؤل 58 رنز اتون نمان مسر، پاکستان نا کنڈآن عمدہ باؤلنگ نا مظاہرہ کرسا محمد عامر 3، اسد شفیق و یاسر شاہ 2,2 وخت اس کہ حسن علی و محمد اصغر اسہ اسہ وکٹ ہلکر، پاکستان نا احمد شہزاد 53 رنز اتون ناٹ آؤٹ ءِ۔
سرجم احوال آتا رداٹ جمیکا ٹی گوازی مروک آ چار دے ئی ٹور میچ انا ارٹ میکو دے ویسٹ انڈیز پریذیڈنٹ الیون ٹیم تینا اولیکو اننگز اٹی 419 رنز جوڑ کرسا آؤٹ مس۔ میچ انا ارٹ میکو دے وشال سنگھ بے کچ شاندار بے بازی نا مظاہرہ ءِ کرسا ناقابل شکست 135 رنز جوڑ کرے، ہیٹمیئر 97 رنز اتون ارٹ میکو نمان بے باز مس، ہڑتوم آتا عمدہ بیٹنگ نا سوب ویسٹ انڈیز پریذیڈنٹ الیون ٹیم تینا اولیکو اننگز اٹی 419 رنز جوڑ کرسا آؤٹ مس۔
پاکستان نا کنڈآن عمدہ باؤلنگ نا مظاہرہ ءِ کرسا محمد عامر 3، اسد شفیق و یاسر شاہ 2,2 وخت اس کہ حسن علی و محمد اصغر اسہ اسہ وکٹ ہلکر۔ پاکستان نا ٹیم ارٹ میکو دے میچ انا چٹنگ اسکان 4وکٹ آتا نسخان آ 129رنز جوڑ کرے۔ پاکستان نا شان مسعود 14، اظہر علی 4، یونس خان7و کیپٹن مصباح الحق 8رنز آ آؤٹ مس۔ احمد شہزاد 53 و اسد شفیق 23 رنز اتون ناٹ آؤٹ ئس۔ ویسٹ انڈیز پریذیڈنٹ الیون ٹیم انا کنڈآن ریمون ریفر اِرٹ وخت اس کہ جوزف و ڈامیون جاکو بز اسہ اسہ گوازی گرءِ آؤٹ کریر۔
